سيبونا

موضوع: سيبونا السبت أبريل 23, 2011 11:08 pm

تعرفونا غير نهار نفوطو قيلو جدنا رانا كرهنا
سيبونا نروحوا نموتوا ياخي حابين ترتاحوا منا

القدس أمانة في رقابينا رسولنا ذكرو في شد الرحال
علاش راكم قافلين علينا كأنكم خايفين ما تلقو حمال
أحنا الموت أريح لينا عيشوا أنتم بصفة أبطال
نسيتوا ربي وتعصروا فينا تتشوكروا حسبتو أرواحكم رجال
أحنا جيل ما هوش ذليل بن باديس والعنقى خلا سلالة
اليوم كلشي علوم ودليل زيغوت وزبانة ماتو رجالة
كون نذكر التاريخ طويل والنخزة معمولة للعوجالة
القدس يستغيث يا مهابيل والموت جاية لا محالة
واش نعمل أنا بحياتي وخويا قدامي يهينو فيه
ما كان والو ندي الخباطي على الخنزير وشحيبر تفيه
الحكام قراو عليهم الزمياطي قش وين مال الريح يديه
يندد في صالة كلها كليماتي هوى بارد وسخون يدفيه
كفاه ترقدوا ويجيكم النوم وحلوف تعدى على قدسية
عراقية زنات وقلبها مهموم وحنا مزلنا مع العدو بالعقلية
أولى القبلتين في الدم يعوم وحكامنا يسايسوا غير بالشوية
واش تستنى تسيبنا يا مشوم فيق مع ربي بدل العقلية
كل واحد في نفسو يقول اسرائيل ظالمة يهودية
وهو هارب على المعقول صحة الوجه رجعت عادية
ويكره أفل ويزول الكرسي والطابلة معمرة مشوية
ويخاف من مول القزول اللى بيه رجع شيكور عليا
وقيلة تستنوا يقولولكم هاكو قدسكم وخلونا ترانكيل
هذوا أقصى من هولاكو كل ما خذاو يقولو قليل
علاش رانا زي لهجاجل نتباكو وحنا قادرين نحبسوا النيل
أيام الفوط الشعب تاكلو شواكو وتلعبوها رجال وانتم رجاجيل
فلسطين في القلب ياخي قلتوها وقلبكم والله ما يعرف لمحبة
أول استقلال قلتو بالدم نفدوها اليوم بالسياسة عملتوا سبة
نحسو بالذل لما نذكروها قتلتولنا العزة يا أولاد الكلبة
الحكام بالقزول الشعوب كبلوها خوه يدي طريحة هو خايف من ضربة
نشش قولولنا هاي الطريق قدامكم ونشوفو شكون راح يتخلف
والا فحولة غير في بعضاكم اللى يهدر تبعثوه يحفف
على الفانية تبدعوا في تقواكم يا ربي راني ضعيف ونسخف
وتذبالوا كيضحك الحلوف معاكم وتروحوا للكراسة أخطف أخطف
أصح من وجهكم ما شفتش حتى صورة طبق الاصل
على ذلنا راني متغشش وين رايح نلقى ولد الاصل
يذكرني في قبري واش نتفرش ياخي الموت علينا بالاجل
القدس كل يوم يتهشش وحنا غير اللى يقول راني بطل

موضوع: رد: سيبونا الجمعة مايو 06, 2011 9:36 pm

تتشوكروا حسبتو أرواحكم رجال

lمربض الفرس هنا..
المخير فيهم عبد ذليل عن ابناء الانظمة الغربية
من حبل صدام وارواح

موضوع: رد: سيبونا الجمعة مايو 06, 2011 9:39 pm

اللحظة احاول نشر فيديو هذا عنوانه/
boutaflika1pd_Waiting For You3-18

فيه صورتان للقزم والرجل اللي نهار يروحوا الرجالة يبقى له هو مركبة على اجساد عاهرات

استحالات في فتح المواقع الحاملة للفيديو..

موضوع: رد: سيبونا الإثنين مايو 09, 2011 4:11 pm

جمال فحل ولد الشوية *** ونعرفو ديما خرجاتـــو
كل ما يقول قصيدة نحبوه*** والصح منو ما فتــــــو
إذا وقف جبل صنديد *** ما كانت حتى مرا ولداتـو
ولد بلادي يعرف إسير*** والحكمة فيه ما خناتـــو
ولد بلادي فصيح *** ونغمة الشعر قتلاتـــــــو
والغاية قداش تسبيه *** على حبلها ينشر قشاتـــو
ياشاعر مداوروش زدنا *** رانا عطشانين بيك نتقاتو