mercredi 22 juin 2011
على بالي باللي صعيبة علياباه نوقف ونقاصي القاضي
هذي بلوة مسلطة عليا مرحبا وبيها ماني راضي
أعذرني يا من تصغى ليا يا ويح اللى جيبو فاضي
ما نيش قد العدالة خصوصا كي راني قليل
صاري العجب في الرجالة شي قضاة داروا تبهديل
زعمة محلفين بذو الجلالة ومع ابليس عملوا تاويل
غير كح يفرولك المسالة يكون واطي يرجعوه طويل
على الوارع يركبواالحثالة فارغ الجيب يزيدولوتذليل
مبدا و قانون ما كان حالة الرشوة عندهم هي الدليل
شفت سبوعة يتباعوا في الدلالة أرامل و ثكالة يبكوا تحت المنديل
والقاضي يضحك ولاهو بالة ما يهموش الراس يرجع ذيل
ويكره يسمع حديث القوالة أهل القافية والقمنة والقيل
خاطر يفكروه في يوم هوالة يوم ما ينفع فيه تظليل
شفت الراشي مثل الهجالة يتذلل كأنهي بلا معيل
يبكي بدمعةما هيش سيالة عينو شحيحة و فوقها بخيل
مع القليل يهدر كأنو في عجالة والا داهم الخلا طاح عليه الليل
مع المرفه يرخي ويبسط الحالةويحذر خصمو أقعد ترانكيل
كاشتا مظلومالزوالي زبالة هذا واش صاري ياهل التحليل
أفاعي
افاعي يا حكيم القوالة يزحفوا حتى تحت السيل
بلادنا ناسها ما همش عتالة تجيبهم النيف على كل عطيل
شوف واش صاري عند لقبالة من حب الانا راهم في تقتيل
دير كلامي في وذنك خلالة الزحف جاي ما تزيدلوش التطبيل
الدنيا تبدلت يا سيد الرجالة و أنت أولى مني بالتعديل
ماني الا كاتب رسالة الكبس ياسر ينوض العليل
اللي مريت عليه قلتو في ذي المقالة والحر ما يرضى للحر تبهديل
الخميس سبتمبر 29, 2011 4:22 pm من طرف 
موضوع: القاضي 