الله غالب تبعثت نموت على التقليد والتقاليد والشي الجديد
ونحب نتنعنع حتى يطيرلي القرميد =
قاعد نفكر في الدنيا مع الشوماج الهراج مع l'ONU دارت للمسلمين faux barrage انا غمني لعجاج
في الميزيرية تاع الفيلاج = مع اللى عندي كذا مواهبات ومخالطها رجال وبنات وفيهم ياسر مواهب بصح الله غالب زقات ما عندنا معارف لا حبات
وليت قلت = نخمم في روحي اااسيدي فرات
مع الديقوطاج بزاف حطيت 7 k ( كاسات ) تاع
واحد le jeune rappeur سمعت= يقول
La vie comme un jeu joker = انت هو
ضربت تخميمة خفيفة
قلت انا ياخي زايد على العولة والزريعة = بلا عزرين
خلى ندخلها jok ونشوف = خير ما نكون قراط والصوطة تاكلو أسعدي
والصوطة في الكارطة يمشوا السبوعة تلحق كاشتا لقراط غايب
مع اللى نموت على التقليد والتقاليد والشي الجديد
= قلت tien tien نجرب نقلد صحاب les jeux de mots
ونفكرهم في التقاليد
Bien sur نور لهم الشي الجديد
اول ما بديت رحت نقلد في الشعراء تاع زمان
دخلت وسط السوق عملت فيها لمة قلت كلمتين زعمة مدخل لمقصودي ما بديتش نلقى في تقليدي
جاني المكاس ااا خويا من فضلك اعطيني حق لبلاصة والله يسهل عليك
واحد سخني قالي كون عندي نخلص عليك = جبدت عطيتو فك فك قررت نقلد الشعراء = وبديت نقول